Policia italiane ka zbuluar një banesë të shndërruar në një rafineri mjaft të sofistikuar për prodhimin e heroinës.
Në pranga janë vënë dy trafikantë shqiptarë të moshës 41 e 34 vjeç, si dhe janë sekuestruar rreth 30 kg heroinë.
Dy shqiptarët banojnë në qytetin e Vincencës.
Rafineria e heroinës ndodhej në komunën e Camisano Vincentino në provincën e Vincencës e në kufi me provincën e Padovas, të rajonit Venetos, ku së fundmi është regjistruar numri më i madh i viktimave për overdozë droge.
Heroina e sekuestruar ishte konfeksionuar në pako nga gjysmë kg e gatshme për t’u trafikuar.
Së bashku me drogën janë sekuestruar dhe të gjitha instrumentet e përdoruar për përgatitjen e heroinës.
Ndaj dy shtetasve shqiptarë është lëshuar urdhëri i arrestimit me burg për trafik droge. Aktualisht ata ndodhen në burgun e Vincencës dhe të Padovaës në dispozicion të autoriteteve gjyqësore.
