Disa automjete të shtrenjta janë vjedhur në 24 orët e fundit. Mësohet se në Golem dy të huajve iu janë vjedhur makinat luksoze, “Porche” dhe “BMW”. Grabitësit janë futur në shtëpinë e tyre dhe veç makinave kanë marrë dhe një sasi eurosh.
Në Kamëz, një 28-vjeçari i kanë vjedhur tre automjete. Sipas policisë në rrugën “Nikola Sarkozi”, grabitësit janë futur gjatë natës në banesën e 28-vjeçarit A.RR.
Policia thotë se të riut i kanë marrë një shumë lekësh dhe mjetet tip “Benz”, “BMW” dhe “Peugeot”, të parkuar pranë banesës.
Nga hetimet paraprake, dyshohet se në të dyja rastet ka vepruar i njëjti grup. Grupi hetimor ka thënë se ata janë të mirëpërgatitur dhe të dhunshëm.
