Një bankë e nivelit të dytë ka rëne pre e një tentative grabitjeje në qytetin e Durrësit. Autori i identifikuar si Kreshnik Margjoni ka kërcënuar me thikë punonjësit e bankës, të cilëve u ka kërkuar paratë që ndodheshin në arkë.
Blutë e Durrësit bërë arritën të kapin 24-vjeçarin para se ai të largohej, duke i sekuestruar thikën dhe parat të cilat ai arriti të merrte në bankë.
Kreshnik Margjoni është shoqëruar në komisariatin e Durrësit ku po merret në pyetje për zbardhej e plotë të ngjarjes,
Njoftimi i policisë:
Kërcënon me thikë punonjësit e bankës, arrestohet në flagrancë nga Policia.
Më datë 13.04.2018, rreth orës 11:10 në lagjen Nr.4 Durrës, në ambientet e një banke të nivelit të dytë, shtetasi K.M. 24 vjeç, banues në Durrës, ka tentuar të vjedhë me dhunë, nën kërcënimin e një thike një sasi parash.
Menjëherë në vendngjarje kanë shkuar Efektivët e Policisë, të cilët kanë bërë të mundur kapjen e autorit, sekuestrimin e thikës dhe të parave.
Shtetasi i mësipërm është shoqëruar në ambientet e Komisariatit të Policisë Durrës për kryerjen e veprimeve të mëtejshme procedurale në bashkëpunim me Prokurorinë e Rrethit Gjyqësor Durrës.
