Ajo donte ta shihte vëllain dhëndër dhe e kishte pikë të dobët një gjë të tillë, por fati i keq deshte që ta shihte të tillë për në banesën e fundit…
Motra Xhesika i shkruante gjithnjë Marios që të gjente ndonjë nuse, por…
Mario Majollari ishte 28-vjeçari i vrarë mbrëmjen e së martës pranë shtëpisë nga 40-vjeçari Kastriot Gjuzi, që dyshohet se e ekzekutoi për hakmarrje, pasi babai i të riut i kishte vrarë të vëllanë plot 18 vite më parë.
I riu, i cili kishte ëndrra dhe që ishte pika e dobët e shtëpisë, fatkeqësisht jeta iu ndërpre në mes.
E ndërsa dje u përcoll për në banesën e fundit, kuja që vuri mamaja të rrëqethte shpirtin.
Dhimbja e madhe e plaga e shpirtit që do ta shoqërojë gjatë gjithë jetës, aq më tepër që do të kalojë çdo ditë në rrugicën ku dora gjakatare i mori jetën të birit, të cilin e kishte e rritur e vetme dhe mes mundimesh.
E motra Xhesika që ishte ndër të parët që e pa të vëllanë pak pas ekzekutimit, të paktën ashtu siç pohonin fqinjët, ka ndryshuar foton e profilit. Shumë kujtime që në vegjëli dhe lidhja e fortë vëlla e motër që u këput vetëm fizikisht…
Ajo ka postuar një foto ku shihen vëlla e motër në moshë të vogël dhe menjëherë kanë vërshuar komentet ngushëlluese.
Ndërkaq drithërues është fakti, ashtu siç tregojnë edhe fqinjtë që mamaja e Marios ishte ndarë që kur i biri ishte dy vjeç nga bashkëshorti i saj Avni Majollarit. Por krimet e këtij të fundit i pagoi me jetë i biri…
