Prokuroria e Krimeve të Rënda ka nisur verifikimin për kallëzimin e shtetases Irini Bua e cila ka kallëzuar deputetin e Partisë Socialiste Alket Hyseni për tjetërsimin e pronës në bregdetin e Jugut.
Hetuesit mësohet se kanë marrë materiale nga Hipoteka e Vlorës dhe gjithashtu vendimet e gjykatave për pronën e diskutuar.
Sipas kallëzimit të depozituar në prokurorinë e krimeve Bua pretendon se me anë të tjetërsimit të dokumentacionit të pronësisë asaj i janë marrë 11 mijë m2.
