Ish-drejtori i “Revistës Shqip” Arjan Konomi, ka rrëfyer në Tv Klan një ngjarje të pakëndshme që kishte ndodhur mes tij dhe këngëtares Soni Malaj.
Ai tha se në kohën kur drejtonte revistën i kishte kërkuar këngëtares që të ishte pjesë e kopertinës së revistës, por pas kësaj Soni i kishte kërkuar një shumë parash.
Konomi rrëfen se në atë kohë revista të cilën drejtonte nuk paguante për të ti bërë personazhet pjesë të kopertinës dhe se nuk mund të jepte para nga xhepi i tij. Lidhur me këtë ngjarje këngëtarja kishte ngritur padi, por sipas tij ajo e humbi gjyqin.
“Kur unë drejtoja Revistën Shqip i kërkova Soni Malajt të ishte pjesë e kopertinës së revistës. Ajo llimisht pranoi, pastaj më kërkoi para. Ndërkohë që në Shqipëri gjërat nuk funksionon kështu. Ne kemi nxjerrë Elsa Lilën me vajzën në vaskë dhe veç kënaqësisë s`mori asgjë tjetër. Unë i thashë Sonit se s`mund t`ia jepja nga xhepi, se i punësuar isha dhe se botuesi nuk e praktikonte këtë gjë me askënd. Pastaj nuk pranoi. Pas kësaj ne bënë një shkrim bazuar në një intervistë tjetër që ajo kishte dhënë, ishte koha kur ishte njohur me balerinin (Mirkon). Kapëm një batutë që kishte thënë se hante pulë me pilaf me të dashurin dhe kujtuam disa nga lidhjet që kishte pasur, ato publiket. Ajo na hodhi në gjyq, por e humbi. Përgjegjësinë e mora unë meqë isha drejtuesi, por lajmin e bëri gazetarja dhe përgjegjës ishte botuesi. Gjithsesi unë ia thashë Sonit që pak kohë më vonë do jetë një i dashur tjetër dhe kështu ndodhi”, tha Arjan Konomi.
