Pep Guardiola ishte shumë i acaruar gjatë pjesës së parë në ndeshjen e mbrëmshme të “Champions League” kundër Liverpool. Teknikun spanjoll e nxorën nga vetja vendimet e gjyqtarit Mateu Lahoz dhe në një moment nuk mbajti më, por shpërtheu.
Si rrjedhojë, në fundin e pjesës së parë, Pep Guardiola u detyrua të largohej për në tribunë pasi Lahoz e ndëshkoi me të kuqe. UEFA ka nisur edhe një hetim për ngjarjen.
Guardiola akuzohet se ka shkelur rregullin e 69-të, ku një trajner që del nga fusha nuk mund të komunikojë me stafin apo futbollistët e tij, por në pushim të ndeshjes Pep ishte në dhomat e zhveshjes, pavarësisht se përjashtimi i tij ndodhi sapo mbaroi pjesa e parë.
Vendimi për një gjobë të mundshme ose skualifkimin e Guardiola do të merret më 31 maj.
