Real Madrid i falet sërish yllit portugez Cristiano Ronaldo, në ndeshjen e kthimit përballë Juventusit.
Ndeshja ka dalë jashtë pritshmërive, duke mbajtur frymën pezull deri në fund të tifozëve.
Kjo pasi italianët arritën të barazojnë humbjen e thellë 0-3 një javë më parë në shtëpi, duke shënuar plot 3 herë në portën e madrilenëve.
Gjithçka ka nisur mirë për bardhezinjtë të cilët që në minutën e dytë zhbllokuan shifrat me Mario Mandzukiç.
Kroati shënoi sërish 10 minuta përpara fundit të pjesës së parë, duke e çuar rezultatin në shifrat 0-2.
Në pjesën e dytë Juvetusi gjeti edhe golin e tretë me Matuidi, që barazoi kështu rezultatin e përgjithshëm në të dyja ndeshjet, 3-3.
Por kur dukej se loja do të shkonte drejt shtesave, arbitri i ndeshjes ka akorduar një 11-metërsh të diskutueshëm për spanjollët.
Kjo krijoi tension në ndeshje, si dhe ndëshkimin me karton të kuq të portierit juventin Buffon, për protesta ndaj arbitrit.
Penalltia u shndërrua në gol nga Ronaldo duke prerë kështu përfundimisht biletën për në raundin tjetër.
Ndërkohë në ndeshjen tjetër, Bayern Munich – Sevilla, u mbyll me rrjeta të paprekura.
Ky barazim i mjafton gjermanëve për të kaluar në fazën gjysmëfinale të Champions League, pas fitores 1-2 një javë më parë në Spanjë.
