Ajo humbi tre fëmijët dhe burrin në aksidentin tragjik në mes të muajit të shkurt në Velipojë. Një tragjedi që shkaktoi dhimbje, lot dhe trishtim pa fund, ku e mbijetuara e vetme, Evis Preka jeton me kujtimet e fëmijëve dhe bashkëshortit të saj.
Një nënë fatkeqe, ku deri dje kujdesej për të vegjlit e saj, Noemin, Ajselin dhe Rajanin, ndërsa sot nuk ka asnjërin.
Dhimbja e ka pllakosur dhe trishtimi, madje sot kur edhe i biri do të bënte 8 muajsh, Evis Preka ka rrëqethur me postimin e saj.
Fillimisht ishte halla e fëmijëve, Gonxhe Preka e cila shkruante se sa i mungonin: “Ah mor Rayan sa me zemer te coptume e pres Daten 11 mor Shpiri I halles . Ishe gezimi i jetes tone ishe cdo gja per ne . Me mungon deri ne palce te shpirtit Po me pervelohet po me djeget shpirti per ju . Happy 8 months in heaven my nephew ”.
Ndërsa, menjëherë komentonte mamaja Evisa, e cila tregon për gjendjen të cilën ndodhet. Ajo ka përlotur me dedikimin e saj, teksa shkruan: “Më raftë pika mamit Rayan, ti i bëre 8 muajsh në parajsë shpirt pa mamin tat që të donte shumë. Mami po mbaron pa ju shpirt, ju ma keni tha shpirtin Rayan mami mezi e priste datën 11, por asgjë nuk i ngeli mamit tuj o jetat e mia. Po mami atje do vij jeta ime, sepse pa ju asgjë nuk ka dritë për mamin”.
