Mario Majollari, 28 vjeç u vra një natë më parë në një atentat me armë zjarri për larje hesapesh.
Vrasja e rëndë tronditi kryeqytetin, ndërsa vuajtja dhe dhimbja ra mbi familjen e tij.
Në një status në rrjetet sociale të datës 16 Korrik të vitit 2017, Xh.Majollari motra e Marios, i cili në atë datë festonte ditëlindjen do të shkruante se pavarësisht të gjithave, ai nuk do ta linte kurrë vetëm.
Në statusin e saj, e motra shprehej tërë dashuri për të vëllanë duke thënë se është ana e kundërt e saj, por që i bashkon një dëshirë e përbashkët.
“Ne jemi si nata me ditën, dielli me hënën, veriu me jugun, çdo gjë e kundërt që ekziston. Por të dy ndjejmë njësoj, të dy vuajmë njësoj, edhe pse kurrë nuk e themi, të dy kemi të njëjtën dëshirë, edhe pse e dimë që kurrë s’do realizohet. Asgjë s’ka qenë kurrë e lehtë për ne të dy, por ja dolëm, sepse kemi njeri-tjetrin. Sado që më streson kur më thua sa lopë jam, apo sa këmbështrembëse jam, apo sa e shëmtuar që jam, un e di që sado e keqe të jem, ti do jesh gjithmonë mbështetja ime. E di që edhe kur të shurdhoj me talentin tim si këngëtare, edhe kur te ti vesh bluzët e tua fshehtas, edhe kur ta bej nusen tate bredharake si vetja, un do jem gjithmonë motra jote e vogël dhe ti s’do me lesh kurrë vetëm. U bëfsh 100 vjeç gjysma shpirtit tim, Zoti me ka dhënë gjithçka tek ty. Të dua shumë, më mungon pafund”, shkruante në atë kohë motra e vogël e 28-vjeçarit.
I riu u ekzekutua mbrëmjen e së martës në rrugën “Aleksandër Moisiu” në Tiranë ku dyshohet për shkak të kaluarës kriminale të të atit, Avni Majollari. Policia identifikoi si autor të vrasjes, Petrit Gjuzin, i cili tashmë është shpallur në kërkim.
