Kamza nuk ka humbur kohë dhe ka zgjedhur menjëherë trajnerin e ri pas shkarkimit të Ramadan Ndreut. Do të jetë Juljan Ahmati ai që do të drejtojë kryeqytetasit për 8 javët e mbetura të kampionatit.Ish-futbollisti i Tiranës dhe i Dinamos, por edhe i disa ekipeve të tjera, drejtonte skuadrën e Burrelit në Kategorinë e Parë.
Ahmati, që më parë ka drejtuar edhe ekipin e Korabit, ka prishur marrëveshjen me klubin matian dhe që nga e mërkura merr drejtimin e Kamzës.
Lajmin e konfirmon për “Konica.al” vetë presidenti Naim Qarri. Synimi i Kamzës është mbijetesa në Superiore, teksa ndodhet vetëm 4 pikë nga Teuta, që për momentin është ekipi i dytë që bie pas Lushnjës.
