Ilkay Gundogan mund të ishte lojtar i Barcelonës në ditët e sotme. Lajmin e zbulon agjenti i FIFA-s, Bayran Tutumlu, i cili javën e kaluar befasoi duke rrëfyer informacionin se në vitin 2015, mesfushori kishte gjetur akordin për kalimin te klubi katalanas.
Në fund, gjermani vazhdoi të luante te Borussia Dortmund edhe një tjetër sezon, para se të bëhej lojtari i parë i afruar nga Pep Guardiola te Manchester City.
Barcelona e ka mbajtur shumë të fshehtë këtë lajm deri në ditët e sotme dhe pothuajse pas 3 vitesh nuk është marrë vesh asgjë për mënyrën se si shkoi historia. Gjithsesi me çështjen që tashmë është arkivuar dalin në dritë informacione e tjera.
Për shembull, gjermani 27-vjeçar, i cili kishte humbur Botërorin e vitit 2014, në Brazil, për shkak dëmtimi, dhe ku iu nënshtrua një ndërhyrjeje kirurgjikale në shpatull , arriti të kalonte kënaqshëm vizitat mjekësore me klubin blaugrana.
Për të mos pasur asnjë lloj dyshimi, gjithçka u bë jashtë Katalonjës.
Marrëveshja për transferimin e Gundogan nga Borussia Dortmund te Barcelona ishte totale: 20 milionë euro për ekipin gjerman.
Lojtari ishte i “çmendur” për të kaluar në “Camp Nou”, madje ishte i gatshëm të mos luante edhe për 6 muaj për shkak të penalizmit që Barcelona kishte atë kohë nga UEFA.
Gjithsesi trajneri Luis Enrique, që kishte forcën pasi kishte fituar tripletën me skuadrën që në vitin e tij të parë, preferoi të firmoste me Arda Turan, dhe drejtuesit e klubit ia plotësuan dëshirën. Transferimi i Turan i kushtoi arkave të blaugranave 35 milionë euro.
Firma me të “skarconte” atë me Gundogan. Manchester City firmosi më të 1 vit më pas. 27-vjeçari është aktivizuar në 34 ndeshje me fanellën e Citizens dhe ka realizuar 6 gola, që kur firmosi në vitin 2016.
