Një vrasje me armë zjarri ka tronditur këtë të martë Tiranën. Ngjarja e rëndë ka ndodhur në zonën e Kinostudios. Nga të dhënat e para mësohet se viktima është Marjo Majallari, 28 vjeç. Sipas raportimeve paraprake, viktima është qëlluar me armë në afërsi të një karburanti.
Në vendin e ngjarjes kanë mbërritur forca të shumta policie të cilat kanë rrethuar zonën. Dyshimet paraprake janë se pas ekzekutimit të Marjo Majallarit qëndrojnë motivet e hakmarrjes. Kjo pasi babai i tij Avni Majallari është një person i dënuar me burgim të përjetshëm për vrasje të dyfishtë.
Deri më tani policia ka shoqëruar disa persona të cilët do të merren në pyetje lidhur me ngjarjen.
