Kryetari i opozitës Lulzim Basha i ka bërë të qartë sot biznesit të vogël dhe gjithë popullit, formulën e thjeshtë sesi skema e grabitjes së shqiptarëve me taksa e koncensione mund të marrë fund brenda 24 orësh, sesi “kjo bandë në qeveri mund të bjerë brenda 24 orësh”. Ai solli shembullin sei ra taksa e Rrugës së Kombit, me një protestë të vetme dhe të vendosur.
I pyetur nga biznesmeni Nikollaq Neranxi nëse opozita ka fuqi në parlament t’i rrëzojë konçensionet apo “ligjin famëkeq të investitorëve strategjikë”, Basha tha:
“Opozita mund të bëjë amendamente, por mazhoranca i rrëzon, as nuk i ka përfillur fare. Se këta vetëm fasadën i kanë ruajtur parlamentit. Këta janë një bandë që mund ta ndalë vetëm reagimi qytetar. E vetmja gjë që ndali taksën në Rrugën e Kombit ishte reagimi i kuksianëve. Ky është thelbi! Të tjerat janë llafe kot. Nëse çohemi të gjithë, kjo skemë, kjo bandë, bie brenda 24 orësh! Skema e tyre falimenton për 24 orë nëse shqiptarët ngrihen.“
Deklarata u bë në takimin e biznesit të vogël kundër vendosjes së TVSH-së dhe ku kreu i opozitës deklaroi hapur mbështetjen për grevën 1-orëshe që do të zhvillohet nesër.
©
