Shumë qytete po mbi popullohen, teksa shumë të tjerë po detyrohen të mbyllin institucionet kryesore për shkak të largimit të popullsisë.
Pikërisht me këtë të fundit po përballet qyteti Portell në lindje të Spanjës, ku rrezikohet të mbyllet shkolla për shkak të numrit të pakët të nxënësve. Por, kryetari i bashkësisë ka gjetur një zgjidhje të veçantë për të ndaluar mbylljen e shkollës.
Plani i tij është që t’ju ofronte punë familjeve me fëmijë si edhe një strehim me qera 50 euro, në këmbim të shpërnguljes në Portell.
“Ne u takuam me këshillin e shkollës në janar, para fillimit të semestrit të dytë dhe gjithsej në shkollë ishin shtatë nxënës. Vitin e ardhshëm do të jenë vetëm katër, dy motra dhe dy vëllezër, kështu që edukimi do të jetë monoton, ne duhet të kërkojmë diversitetin “, tha kryebashkiaku Alvaro Ferrer për “Euronews”.
Thirrjes së Ferrer iu përgjigjën shumë familje të interesuara nga Spanja dhe madje disa vende të Amerikës Latine si Argjentina dhe Kolumbia. Por, pasi qyteti ka vetëm shtatë vende pune dhe tre vende strehimi për të ofruar, kryetari kërkoi nga ata të interesuarit të dërgojnë një kërkesë për rishikim.
Studentët e paracaktuar u intervistuan nga bordi i shkollës dhe nga bashkia e qytetit javën e kaluar.
“Në mënyrë që kërkesa e tyre të merrej në shqyrtim, duhej të ishte e qartë se ne mund t’u ofrojmë atyre një punë brenda fushës së punëve në sallën e bashkisë dhe se fëmijët duhej ishin brenda moshës për në shkollë “, tha Ferrer.
Më 4 prill, Këshilli i Qytetit Portell njoftoi se dhjetë familje do të shkonin në fshat në fund të vitit shkollor. Katër fëmijë të rinj do të integrohen në shkollën e qytetit vitin e ardhshëm.
Erica Venturia, e cila do shpërngulet në Portell me burrin dhe dy vajzat e saj, tha për “El Periodico Mediterraneo” se ajo e gjeti ofertën ndërsa ishte e papunë. Ajo tha se familja e saj po kalonte një kohë të vështirë dhe ishte shumë e emocionuar nga kjo mundësi.
Duke folur për familjet e zgjedhura, Ferrer tha: “Ne do t’ju sigurojmë një mundësi, nëse vendosin të qëndrojnë në Portell”.
