Vdes papritur teksa ishte në një festë dhe po luante me fëmijët e tjerë vajza 5-vjeçare e një shqiptari dhe me nënë italiane.
Ngjarja e rëndë ndodhi mbrëmjen e të dielës, kur siç raportojnë mediat italiane, e mitura teksa po luante me fëmijët e tjerë u ndje keq, u zbeh dhe pak minuta më vonë ndërroi jetë.
Prokuroria e Messinës, e drejtuar nga Maurizio de Lucia, ka nisur hetimet për vdekjen e 5-vjeçares.
Edhe pse u dërgua me urgjencë në spital, ku mjekët u përpoqën ta sillnin në jetë, ajo nuk ia doli.
Prokurori ka urdhëruar kryerjen e një autopsie në trupin e vajzës së vogël që do të sqarojë shkaqet dhe rrethanat e vdekjes.
