Gazetari Alfred Lela i ftuar në “Tonight Ilva Tare” në Ora News, thotë se deklaratat e deputetes së PS-së në Kukës Mimi Kodheli se pas protestës në Rrugën e Kombit kishte pas një skenar destabilizimi.
Lela: Ka një kontradiksion në atë që thota zonja Kodheli. Zonja Kodheli e legjitimon protestën, thotë se qëndron, është e arsyeshme, ka themele, por pasi thotë këtë mundohet ta deligjitimojë, duke thënë se këta qytetarë të Kukësit, o nuk janë aq të zotë sa të dalin në protestë vetë dhe kanë nevojën e shtysës nga elementë keqbërës. Këtu ka një element kontradiksioni. I rri edhe këtij hamendësimi.
Ajo që këtu mungon, është paaftësia e Ministrisë së Brendshme, të qeverisë ku zonja Kodheli nuk bën pjesë, nuk e kontrollon dhe arreston viktimat dhe nuk arreston dorasit. Në të dyja rastet jemi në faull të pushtetit, ose skenari imagjinar të disa keqbërësve edhe më të këqijve që ndodhen në Tiranë. Unë nuk e përjashtoj. Ne e kemi traditën e partive politike që në çdo zemëratë, mundohen që ta instrumentalizojnë, ta përdorin dhe nuk shoh ndonjë gjë të keqe.
