Një burrë i rritur nga ujqërit për 12 vite thotë se jeta në shoqërinë njerëzore është një dështim dhe se dëshiron të jetojë përsëri mes kafshëve.
Marcos Rodríguez Pantoja u adoptua nga një tufë ujqërish kur humbi në malin Sierra Morena të Spanjës në moshën 7-vjeçare.
Ai u gjet në moshën 19-vjeçare nga një vrapues, gjysmë i zhveshur, i aftë për të komunikuar vetëm duke u mërmëritur dhe u soll përsëri në qytetërim.
Tashmë 72-vjeç ai jeton në një shtëpi të vogël në Rante, Galicia, me vetëm një pension të vogël pas një jete të vështirë midis njerëzve.
Ai tha se pasi u kthye nga shpella në të ashtuquajturën shtëpi jeta e tij nuk ishte njësoj pasi nuk arriti dot që të integrohej me njerëzit.
I njohur si ‘Mogli i Spanjës’, Pantoja u shpreh se ditët më të lumtura të jetës së tij i ka kaluar në shpellë me lakuriqët e natës, gjarpërinjtë dhe drerët, zërat e të cilëve arrin që ti imitojë akoma.
Ai u dërgua tek një bari dhish, pasi nëna e tij vdiq gjatë lindjes ndërsa babai u largua me një grua tjetër.
Bari e mësoi të përdorte zjarrin e të bënte vegla, por ai vdiq duke e lënë djaline vogël vetëm.
Ai u rrit mes kafshëve të pyllit, larg nga bota njerëzore.
E gjithë historia e tij ka ndodhur mes viteve 1960-1970.
