Një djalë i ri nga fshati Gjorm i Kurbinit i cili ka marrë telefonata nga një numër privat, nuk e ka lënë me kaq.
20-vjeçari me inicialet P.H. ka shkuar në polici dhe e ka kallëzuar personin ende të pa identifikuar.
Policia është vënë në kërkim për kapjen e autorit, ndërsa nuk dihen detaje lidhur me ato çfarë janë thënë në këto telefonata.
Njoftimi i plotë:
Komisariati i Policisë Kurbin
Më datë 07.04.2018, shtetasi P.H, vjeç 20, banues në fshatin Gjorm, kallëzon, se është shqetësuar me anë të telefonit nga një numër i fshehur. Punohet për identifikimin dhe kapjen e autorit. Materialet u referuan në Prokurorinë pranë Gjykatës Shkallës Parë Kurbin. Neni 275 i Kodit Penal.
