Nga Agim Xhafka Lideri ynë global po mbush 5 vjet që dita ditës me interpretimet e tij aktoriale po na mbush mendjen se po bëka shtet. E heq veten si reformatori më i madh i këtij vendi dhe kaq është dhënë pas tepsisë sa e ka lëshuar timonin pa duar. Makina po i shkon prapa e ai ngulur tek ngastrat e lakrorit e
ka mendjen si të ngopë miqtë dhe veten. Nuk shoh nevojën për fakte e analiza që nxjerrin zbuluar dështimin e qeverisjes së tij të ububushme. Lexoni ca copëza nga Ramapalla e çdo ditë. E jeton populli kudo. Deri sa po ngrihet e tani s’ka reklamë që e ul më. Veçse do pasur frikë se zemërimi nuk ka as sy,as arsye. Është si cunami,fshin këdo që kap para…
-1-
Nëna:Bir u japin ushqim këtu në burg?
Djali:Tre herë në ditë,oj nënë!
Nëna:Flini ngrohtë?
Djali:Po,po! Dy furnela kemi në qeli.
Nëna:Po dush bëni çdo javë?
Djali:Edhe më shumë po deshe.
Nëna:Bir,të keqen nëna,sillu mirë që të të mbajnë sa më gjatë brenda. Thuaji ndonjë fjalë drejtorit të burgut të marrësh dhe vëllain ca muaj. Eshtë pa punë e po hamë një vakt në ditë. Qoftë i bekuar kush shpiku burgun!
-2-
Edhe deti si njerëzit,po na ikën emigrant në Greqi.
-3-
Jeta e shqiptarit sot plot alternativa. Që të jetosh duhet edhe korrent,edhe dru,edhe gaz. Duhet edhe çezëm,edhe depozita,edhe fuçi. Edhe dush,edhe kanoçe…Edhe pagesë shtetit,edhe bakshish,edhe në dorë,edhe nën dorë.
-4-
Gaqo në mëngjes i kapërxente tre nga tre shkallët e pallatit. Mbante në dorë një bllok të madh.I biri,që mbron qeverinë në fb,e kishte harruar në shtëpi. Aty ka emrat e pseudonimeve që ai përdor kur lavdëron kryeministrin. Së shpejti do të pajiset dhe me një libër sharrjesh dhe shpifjesh. Shkruar nga Taulanti
-5-
Para 70 vjetësh deputetët e opozitës i vranë me mitroloz.
Pas 70 vjetësh deputetët e opozitës i vrasin me Gramoz.
-6-
-Burrë të bëjmë një darkë nga që fitove konkursin për drejtor spitali.
-Po prit moj e uruar,unë fitova vërtet,por konkursi bëhet javën që vjen.
-7-
Bregu s’ka rrugë,s’ka resorte,s’ka drita,s’ka ujë,por do na paska aeroport! Po a i duhet perzervativi një të vdekuri?!
-8-
-Je i arrestuar!
-Po përse?
-Akuzën ta gatisim muajin që vjen.
*************
E shihni! Të rrojmë vetë se kjo qeveri po na le. Qoftë me sa më pak dëme.
