Mohamed Salah është lojtari i momentit pasi me paraqitjet e tij me skuadrën e Livepool, ka bërë që drejt tij të ketë vëmendjen edhe mbretërorët e Realit të Madridit.
Mediat spanjolle kanë publikuar gjatë ditës së sotme, një ofertë-paketë që Real Madridi do të bëjë shumë shpejt për idhullin e anglezëve.
Sipas mediave spanjolle, flitet as më pak e as më shumë, por 150 milion euro, që “galaktikët” janë gati të paguajnë për të marrë futbollistin.
Madje, mësohet se Reali është gati të përfshijë në ofertë edhe mesfushorin Isco, shumë i preferuar nga Zidane.
Edhe pse në pamje të parë oferta është shumë e mirë, pasi Salah u transferua nga Roma te Liverpool për një shifër që nuk i arrinte 45 milion eurot, transferimi nuk do të jetë aq i lehtë.
Sipas drejtuesit të klubi Neymar nuk ka asgjë më shumë se Salah. Në momentin që klubi do të vendosë ta shesë, kartoni i lojtarit parashikohet të jetë një ankand i hapur, për atë skuadër që do të paguajë më shumë.
