Një tjetër tragjedi trondit botën e futbollit. Talenti i ri i Le Havre, Samba Diop, është ndarë nga jeta në moshën 18-vjeçare.
Mbrojtësi luante në kampionatin National 2 (kategoria e katërt franceze) në skuadrën e dytë të klubit Le Havre. Mbeten të panjohura rrethanat e kësaj tragjedie, sipas asaj që shkruan gazeta franceze “L’Equipe”. Këtë vit, Diop, kishte luajtur 21 ndeshje me ekipin e dytë dhe ishte grumbulluar vazhdimisht me ekipin e parë.
Ndeshja e Ligue 2, që Le Havre do të zhvillonte në fushën e Reims është shtyrë pikërisht prej kësaj tragjedie.
