“Jo gjoba biznesit të vogël për gabimet në deklarim.” Thirrja është bërë nga Ministri i Financave dhe Ekonomisë, Arben Ahmetaj, i cili i ka dërguar një letër-porosi Drejtorisë së Përgjithshme të Tatimeve.
Në letrën e tij, Ahmetaj i ka kërkuar Tatimeve të mos vendosë gjoba për biznesin e vogël në rast se ky i fundit ka gabime në deklarim.
“Jo gjoba biznesit të vogël për gabimet në deklarim. Strukturat përgjegjëse duhet të asistojnë bizneset për të korigjuar gabimet në deklarim! Shmangni penalitetet deri në fund të vitit 2018. Mos gjobitni bizneset që hyjnë në pragun e TVSH”, thuhet ndër të tjera në letrën e Ahmetajt.
Kujtojmë se nga 1 prilli të gjitha bizneset e vogla hyjnë për herë të parë në skemën e TVSH-së.
