Më 16 Prill është parashikuar të nisë gjyqi për vrasjen në liqenin e Erbach në Gjermani. Prokuroria e Ulm ka ngritur ndaj autorit të dyshuar akuzat e vrasjes dhe fshehjes së krimit për motive të dobëta.
Në bankën e të akuzuarve do të qëndrojë një 36-vjeçar gjerman me orgjinë shqiptare, identiteti i të cilit nuk bëhet i ditur nga raportimet e medieve lokale. Ai akuzohet se ka bindur 19-vjeçarin shqiptar Xhoi Musaj me banim në Steinfurt, për të shkuar në liqen në Prill të vitit 2017 e më pas e ka vrarë me një çekan. Kufoma u mbështoll me fletë metalike, u lidh me një bllok betoni dhe u zhyt në liqen, sipas prokurorisë gjermane.
Pas rreth një muaji, kufoma u zhvendos në sipërfaqen e ujit dhe u zbulua.
