“Despacito” ka thyer çdo rekord, me plot 5 miliardë klikime.
Në vendin e parë në të gjithë klasifikimet botërore, hiti i portorikanëve Luis Fonsi dhe Daddy Yankee ka arritur të dalë në krye të shumë hiteve të dalluara botërore.
Pikërisht në platformën dedikuar videove, “Despacito” ka sfiduar çdo konkurent duke lënë në vend të dytë “See You Again” e Wiz Khalifa e Charlie Puth me 3.49 miliardë klikime dhe “Shape of You” të Ed Sheeran, në vend të tretë me 3.41 miliardë klikime.
Videoklipi i famshëm, në të cilin është edhe modelja bukuroshe portorikane që fitoi Miss Universin në 2006-n Zuleyka Rivera, ishte në vend të parë në shumë vende të botës si: Irlanda, Spanja, Portugalia, Franca, Belgjika, Zvicra, Suedia, Austria, Danimarka, Finlanda, Gjermania, Norvegjia, Hollanda, Kanadaja, apo Australia.
Në vend të parë ishte edhe në Mbretërinë e Bashkuar, ku nuk kishte ndodhur kurrë që një këngë në spanjisht të ishte në vend të parë.
Kënga ishte në vend të parë edhe në Amerikë.
“Despacito” është cilësuar si kënga më e dëgjuar në të gjitha kohërat.
