Edhe pse i kishin dhënë fund lidhjes dashurore mes tyre, ai ende vijonte ta kontaktonte, gjë që për vajzën mesa duket ishte e bezdisshme. Kjo ka bërë që ajo të bëjë kallëzim një ditë më parë në komisariatin e Policisë numër 2.
Pas kësaj, një hetim nisi nga Policia, që njofton se materialet për rastin u referuan për ndjekje të mëtejshme në Prokurorinë pranë Gjykatës së Shkallës Parë Tiranë.
Vajza P.M., 31 vjeçe, e cila rezulton banuese në Tiranë, ka thënë në dëshminë e saj para uniformave blu se ish i fejuari A.S., 33 vjeç, e ka shqetësuar nëpërmjet telefonit dhe rrjeteve sociale.
Ndaj 33-vjeçarit rëndon akuza për verën penale Përdorimi me keqdashje i thirrjeve telefonike, parashikuar nga neni 275 i Kodit Penal.