‘Trau që vendosi Rama në Rrugën e Kombit, ishte një barrierë mes shqiptarëve’, kështu deklaroi përfaqësuesi i shoqërisë civile, Ani Tepelena, i ftuar në studion e lajmeve të Syri.net.
I pyetur nga moderatori Alen Xhelili, se çfarë do të kërkohet nesër në protestë, Tepelena tha se lirimi i protestuesve dhe anulimi i konçensionit të Rrugën e Kombit janë kërkesat kryesore.
‘Trau i vendosur në Rugën e Kombit është i paligjshëm. Pasi konçensioni është dhënë pa u bërë konsultat publike me qytetarët. Banorët u ngritën dhe prishën një objekt të paligjshëm. Pra nuk kemi pse të ketë ndjekje publike. Janë një sërë ngjarjesh që po ndodhin kohët e fundit ku vihet në diskutim sinqeriteti i qeverisë, për të mos thënë që i kemi të bëjmë një thikë pas shpinës edhe për kosovarët. Ky tra është për të penguar lëvizjen e lirë mes dy vendeve.
Kjo rrugë nuk i përket vetëm gjysmës së kombit, por të gjithë shqiptarëve.
Nesër do i kërkojmë Ramës të lirojë protestuesit e burgosur, kjo është një thirrje edhe për gjyqësorin. Së dyti do kërkojmë të heqin dorë nga ky konçension, më herët duhet konsultuar me grupet e interesit’, tha Tepelena.
