Eliminimi nga Botërori 2018 ishte një goditje e rëndë për mbarë italianët dhe padyshim për lojtarët “axurrë”.
Ndeshja ndaj Suedisë do të mbetet e paharrueshme dhe tepër e dhimbshme në memorien e futbollistëve italianë, e sidomos për Gigi Buffon, i cili e dëshironte kaq shumë pjesëmarrjen në atë kompeticion para se ta mbyllë karrierën.
Për 20 vite me fanellën “e kaltër”, me të cilën ka bërë 175 paraqitje, është e dhimbshme të thuash që ai nuk do të jetë pjesë e Rusi 2018 këtë verë.
Mirëpo, trajneri i ri i kombëtares italiane, Di Biagio, siç shkruan “Corriere dello Sport”, mund të afrojë në skuadër sulmuesin e Nice-s, Mario Balotelli.
Sulmuesi i Nice-s mund të ndihmojë ekipin për arritjen e objektivave në kompeticionet në vazhdim. 27-vjeçari ka shënuar 19 gola në 25 ndeshje me ekipin francez, rekordi më i mirë në karrierën e tij deri më tani.
Ndërsa me përfaqësuesen “axurre” ka shënuar 13 gola në 13 gola. I fundit ishte ndaj Anglisë më 15 qershor 2014, e vlefshme për Botërorin “Brazil 2014”.
Balo e ka shprehur gjithmonë dëshirën dhe gatishmërinë për të luajtur me përfaqësuesen e tij.
