Conor McGregor, ikona e arteve marciale mikse (MMA), pak çaste më parë është larguar nga rajoni i policisë në Brooklyn me pranga në duar, i shoqëruar nga një agjent i policisë që e dërgoi në gjykatë, ku pritet të marrë dënimin.
Irlandezi u dorëzua vetë në orët e para të mëngjesit të sotëm në rajonin e policisë pas incidentit që krijoi pas konferencës së shtypit, kur goditi me mjete të forta autobusin ku ishin sportistët që do të duelojnë në eventin e UFC-223 (zhvillohet më 7 prill në Brooklyn, Nju Jork). Duart e irlandezit ishin të lidhura nga pas, me pranga, foto që kanë bërë xhiron e botës. McGregor akuzohet për dhunë dhe sjellje të pahijshme nga policia.
