Një këmbë njeriu është gjetur në mes të një rrugës, duke tronditur personat që e kanë parë dhe ndaluar qarkullimin e automjeteve.
Oficerët e policisë të thirrur për të hetuar thanë se ishte rasti më bindës që ata kishin parë ndonjëherë.
Është një mister se si këmba është vendosur në rrugë, edhe pse shumë dyshojnë se është lënë në formën e një shakaje.
“Manchester Evening News” raporton se qarkullimi i automjeteve është ndaluar, teksa Mohammed Yousaf, pronar i një dyqani afër rrugës, ka postuar pamjen e këmbës në Facebook.
Policia ka marrë një telefonatë nga një grua, e cila mes lotësh kishte treguar se kishte gjetur një këmbë në rrugë.
Ata shkuan menjëherë në vendngjarje, por kur iu afruan, e kuptuan se ishte e rreme.
Vetë policët nuk mund ta besonin sesa reale dukej, duke e cilësuar si rastin më të mirë të rremë të parë ndonjëherë.
