Partia Demokratike thotë se Kryeministri Edi Rama, në vazhdën e kapjes së institucioneve të pavarura ka kapur dhe Shërbimin Informativ Shtetëror.
Nënkryetari Edi Paloka, është shprehur se kryeministri Edi Rama, në vazhdën e kapjes së institucionve të pavarura ka kapur dhe Shërbimin Informativ Shtetëror.
Sipas tij, me urdhër të drejtorit në detyrë Helidon Bendo, SHISH, refuzon dhënien e certifikatave të sigurisë për anëtarët e komisionit hetimor për çështjen “Tahiri”, duke penguar punën. Paloka tha se Bendo, ka hequr agjentët që kanë raportuar drogën dhe i ka zëvendësuar me sigurimsa.
Nënkryetari i Partisë Demokratike Edi Paloka akuzoi Shërbimin Informativ Shtetëror se po pengon punën e komisionit hetimor për çështjen “Tahiri”.
Deputeti i PD, tha se Bendo ka hequr nga Shërbimi Informativ Shtetëror të gjithë ata agjent që kanë raportuar drogën dhe i ka zëvendësuar me bashkëpuntorë të sigurimit.
“Shprehet personi që ka kthyer përgjigje që nuk mund të jepet çertifikata e nivelit tepër sekret në një kohë kaq të shkurtër. Në fakt ne nuk kemi kërkuar këtë çertifikatë, kemi kërkuar një çertifikatë që është dhënë gjithnjë, çertifikata e përkoheshme për rastet kur është kërkuar dhe është për këtë raste që jepet me urgjencë. Rezulton që për herë të parë kreu në detyrë i SHISH ka ndërhyrë direkt vetë për të kthyer këtë përgjigje.
Janë ndërruar të gjithë drejtuesit e kupolës së mëparshme dhe që jo rastësisht janë ata drejtues të SHISH që kanë hartuar të gjithë raportet që lidheshin me trafikun e drogës në Shqipëri dhe kryesisht me emrat e drejtuesve të policisë të implikuar në këtë trafik droge, duket se arrijmë në konkluzionin se Rama ia arriti ta marrë SHISH në duart e tij”,-tha Paloka.
Në lidhje me ndryshimet në SHISH, u pyet dhe Presidenti Meta, por ai preferoi të mos jepte koment në lidhje me këtë çështje.
