Nuk ka qënë i qetë starti i takimit të parë çerekfinal në ndeshjen Liverpool-Manchester City. Sipas mediave angleze, tifozë të “The Reds” dëmtuan autobusin e ekipit të City-t duke hedhur shishe dhe fishekzjarre ndërsa policia britanike konfirmoi se dy oficerë kanë marrë plagë të lehta.
U raportua se dy dyert e shoferit dhe dritarja e përparme ishin shkatërruar ndërkohë që “qytetarëve” i duhej një tjetër autobuz për të shkuar në stadiumin e “Enfield”.
Zyrtarët nga Uefa morën fotografi të autobusit të dëmtuar pasi lojtarët dhe stafi i Manchester City kishin zbritur.
I menjëhershëm ka qënë reagimi i klubit të Liverpool që në një deklaratë për mediat thuhej:
“Klubi dënon në termat më të forta skenat që kanë paraprirë çerekfinale të Ligës së Kampionëve, gjë që rezultoi në dëmtimin e autobusit të ekipit të Manchester Cityt gjatë mbërritjes në Anfield. Ne kërkojmë ndjesë pa rezervë tek Pep Guardiola, lojtarët, stafi dhe zyrtarët e tij të kapur në incident.
“Sjellja e një numri individësh ishte krejtësisht e papranueshme dhe klubi do të bashkëpunojë plotësisht me autoritetet për të identifikuar ata që janë përgjegjës. Përparësia tani është të krijojë faktet dhe t’i ofrojë Manchester City-un çfarëdo mbështetjeje është e nevojshme “.-shkruhej në deklaratën e “The Reds”
