Pavarësisht peticionit të dërguar Parlamentit nga një grup organizatash të Shoqërisë Civile, të cilat kishin mbështetur fort kandidaturën e Olimbi Hoxhajt, për t’u votuar nga Kuvendi si Komisionerja e re e Anti-Diskriminimit në Shqipëri, socialistët kanë votuar një tjetër kandidaturë, për të cilën duket se ka lobuar kreu i deputetëve të PS-së, Taulant Balla.
Robert Gajda, do të jetë Komisioneri i ri i Anti-Diskriminimit, duke zëvendësuar në këtë post Irma Barakun.
Gajda u betua sot në Kuvend. Gajda ka qenë shef i shtabi elektoral të PS-së në Elbasan, ku kryesuesi i kësaj liste është Taulant Balla.
Me Kushtetutë nuk lejohet të zgjidhet asnjë person me profil politik në këtë pozicion. Por duket se zbatimi i kushtetutës nuk është më i rëndësishëm sesa shlyerja e një detyrimi elektoral apo emërimi i një militanti në një post të rëndësishëm.
