Ka një stereotip që martesat e Hollywood-it nuk zgjasin. Kështu, nëse çiftet qëndrojnë të martuar për një vit, njerëzit fillojnë të flasin se kur do të jetë fundi i kësaj historie në Hollywood. Ose sa do të zgjasë. A ka ndonjë të vërtetë këtu? A është e vërtetë se martesat e Hollywood-it janë të destinuara të dështojnë? Është e vështirë të thuhet dhe të konsiderohet si e vërtetë. Njerëzit mund të martohen dhe të divorcohen në të njëjtën kohë, por për çiftet e Hollywood-it historitë janë më të famshme.
I dini cilët janë personazhet që janë martuar më shumë mes të famshmëve të Hollywood-it?
Kim Kardashian
E mbani mend se para se të lindte 3 fëmijë me Kanye, Kim është divorcuar dy herë? Po, është e vërtetë. Në fillim, ajo u martua me Damon Thomas në vitin 2000 – një martesë që zgjati për 4 vjet. Më pas, Kim pati edhe një martesë tjetër me Kris Humphries, e cila zgjati vetëm 72 ditë. Por, ajo çka ndodh tani është një jetë e lumtur e Kim me Kanye.
Billy Bob Thornton
Billy Bob Thornton ka provuar shumë gjëra në jetën e tij. Është aktor, drejtor, shkrimtar, këngëtar, kantautor dhe lista vazhdon. Duket se ai po përpiqet edhe të jetë një bashkëshort i denjë. Është divorcuar 5 herë, por martesa e gjashtë duket të jetë e fortë.
Angelina Jolie
Brangelina dukej perfekte. Ata ishin bashkë për më shumë se një dekadë, por dy vitet e fundit janë thjesht të martuar. Më herët, Angelina Jolie ishte e martuar me Jonny Lee Miller dhe pas tij, edhe me Billy Bob Thornton. Kështu që, numërohen plot 3 divorce për Angelina-n.
Larry King
Larry King nuk është thjesht dhe vetëm mbreti i netëve të vona dhe talk show-ve, por duket se është edhe mbreti i divorceve. Ai është martuar plot 8 herë. Gjashtë nga këto martesa kanë përfunduar në divorc, ndërsa njëra është anuluar. Por, e fundit duket se është vërtet e fortë, sepse çifti ka bashkë që nga viti 1997, pra më shumë se 20 vjet.
Elizabeth Taylor
Liz e njohur nuk është më me ne, por kishte një jetë private vërtet shumë energjike. U divorcua plot 7 herë. Ajo zonjë dinte vërtet si t’i bënte meshkujt të dashuroheshin. Madje, njërin prej tyre e bëri edhe ta propozojë dy herë. U martua në vitin 1964, por edhe një herë tjetër në vitin 1975.
Martin Scorsese
Martin Scorsese nuk është vetëm një drejtor, producent dhe skenarist i famshëm, por është edhe një “ladies man”. Kjo shpjegon më mirë faktin që është martuar plot 5 herë dhe është divorcuar 4 herë. Dhe ka tre fëmijë me 3 martesa të ndryshme.
Drew Barrymore
Drew u martua për herë të parë me Jeremy Thomas në vitin 1994, kur ishte vetëm 19 vjeç. Vetëm dy muaj më vonë, ajo kërkoi divorcin. Martesa e dytë me komedianin Tom Green zgjati më shumë, rreth një vit, ndërsa e treta me Will Kopelman në 2012 zgjati 4 vjet. Në total, tre divorce.
Tom Cruise
Tom Cruise është divorcuar tri herë. Martesa e parë me Mimi Rogers zgjati 3 vjet. Më pas, me Nicole Kidman pati një menaxhim më të mirë dhe shkoi deri në 11 vjet. Dhe në fund, martesa me Katie Holmes përfundoi pas 6-vjetësh.
Ah, paska edhe shqiptarë?
Frederik Ndoci
Pas 17-vjetësh martesë, bashkëshortja i kërkoi divorcin me pretendimin se kishte gjetur lumturinë e vërtetë dhe se ishte dashuruar me një femër, me të cilën donte të martohej. Jeta vazhdoi për këngëtarin e njohur shkodran dhe një dashuri e re trokiti. Lidhja me Aida Cacajn, një këngëtare kori në Amerikë, shënoi edhe martesën e dytë për Frederikun, por pas 10-vjetësh, u ndanë.
Prej 10-vjetësh të tjerë tashmë, Frederiku është i lumtur me familjen e tij të re, bashkëshorten Alisa Baraku dhe dy fëmijët. Shtatorin e vitit të kaluar, çifti festoi 10-vjetorin. Alisa, madje, ndau edhe një mesazh në profilin e saj me fjalë të ndjera dashurie: “Gëzuar ylli im Frederik Ndoci, përvjetorin tonë të dashurisë. 10 vite më parë, shtrënguam duart e zemrat, për të lundruar në detin e madh të dashurisë. Sot, me dy yjet, Marilu e Nikolo, që erdhën në jetën tonë, si dhurata më e çmuar, e për të na treguar se dashuria s’njeh kufij. Koha kalon, por zemra rreh njëjtë si ditën e parë. Të dua përgjithmonë shpirti im.”
Kastro Zizo
Kastro Zizo është ndër të paktët artistë shqiptarë (për të mos thënë i vetmi) që pranojnë hapur lidhjet e dashurisë, edhe nëse ato kanë dështuar. Në një intervistë për ‘Why Not’ nga Roza Lati, ai tregoi pak kohë më parë se ka qenë dy herë i martuar, romanca nga të cilat është bërë dhe baba i dy fëmijëve. Pas kësaj, Kastro zbuloi edhe se është gati për një të tretë: “33 vjeç, me dy martesa pas, besoj janë mjaftueshëm për momentin. Të kalojnë dhe dy vite ose vitin tjetër shohim. Kam 5 vite e pak që jam i pamartuar. E treta ose do ketë shumë para, ose do jetë e treta, e vërteta. Jam afër, jam në një vorbull”, – tha Kastro duke shprehur dëshirën për të pleqëruar me një femër dhe se do dëshironte që të kishte dhe një fëmijë në vitin 2018.
