Rrjetet sociale gjithnjë e më shumë po ndikojnë në jetën e njerëzve. Sfidat e ndryshme që ato paraqesin, përqafohen nga mijëra ndjekës që tentojnë t’i përmbushin.
Nga “Paper challenge”, “Ice-bucket challenge” apo edhe sfida e fundit me kërcimin “Dame tu cosita”, lihen pas teksa në rrjetet sociale po qarkullon një tjetër sfidë.
Sfida me prezervativin është kthyer në trend kryesisht tek adoleshentët, të cilët duhet ta vendosin ata në hundë dhe ta thithin derisa ta nxjerrin nga goja.
Ndryshe nga sfidat e mëparshme kjo është quajtur e rrezikshme dhe mjekët kanë dhënë alarmin se duhet të ndalojë.
Stephen Enriquez, specialist i arsimit në San Antonio, u shpreh se përveç drogërave, prindërit duhet t’ju kushtojnë rëndësi edhe këtyre lojërave.
“Këto ditë adoleshentët tanë po bëjnë gjithçka për “likes”, “views” dhe “subscribers”. Ne duhet t’jua tregojmë prindërve sepse adoleshentët po kërkojnë në internet duke kërkuar sfida dhe duke ri-krijuar ato”.
Bruce Lee, profesor i asociuar në shkollën Johns Hopkins Bloomberg të Shëndetit Publik, argumentoi për Forbes se e vetmja gjë që njerëzit duhet të thithin është ajri, me përjashtim të sprajeve apo të ilaçeve të dhëna nga doktori.
“Prezervativi mund të ngec në hundë ose në fyt, duke bllokuar frymëmarrjen ose duke shkaktuar asfiksimin”, u shpreh ai.
Lee shtoi se gjithashtu mund shkaktojë infeksione apo alergji të ndryshme.
https://youtu.be/exueNbTTmYs
