Një familje shqiptare është në rrezik dëbimi në Francë pas arrestimit të një prej anëtarëve të saj në Charleville-Mézières.
Marjana dhe Bilbili, dy shqiptarë të ardhur në Francë në vitin 2015, kishin ardhur për ta marrë fëmijën e tyre tetëvjeçar nga shkolla fillore “Franck-Mozart” në Charleville-Mézières. Pikërisht në këtë moment policia i afrohet 42-vjeçarit shqiptar duke e urdhëruar të dalë nga makina dhe e shoqëron në komisariat.
Nga ana e saj, Komuna e ka pranuar se vendarrestimi i shqiptarit nuk ka qenë vend i përshtatshëm për një veprim të tillë. Megjithatë, Frédéric Clowez, sekretari i përgjithsëhm ka nënvizuar: “Kërkesa për azil dhe ankesa janë hedhur poshtë”.
Në dokumentarin e shkurtër të dhënë në kanalin francez “France 3”, thuhet se që prej 2015 jeta e Bilbilit dhe Marjanës është shndërruar në makth të vërtetë.
Pas kërkesës për azil dhe ankesës së tyre, që të dyja të refuzuara, Marjana, Bilbili, dhe dy djemtë Cerili dhe Admiri u gjendën në fokus të detyrimit për tu larguar nga territori francez.
“Në Francë erdhëm me shpresë për një jetë më të mirë. Ajo që dua për momentin është mundësai që të qëndroj këtu dhe të vazhdoj jetën që e bënim paraprakisht në Francë”, shpreson shqiptarja me lot në sy.
