Presidenti amerikan, Donald Trump, i ka kërkuar gjyqtarëve që të tregohen më produktivë në shqyrtimin e çështjeve që janë paraqitur nga emigrantët që kërkojnë të qëndrojnë në Shtetet e Bashkuara.
Kuota e kënaqshme sipas liderit të Uashingtonit do duhet të ishte të paktën 700 raste në vit, në mënyrë që kërkesave të paraqitura t’u jepet një përgjigje.
Megjithatë, dicka e tillë është pritur me kritika nga ana e kundërshtuesve të planit, të cilët thonë se vendosja e një objektivi mund të kompromentojë seancat dëgjimore, pasi kërkesa synimi kryesor nuk do të jetë më cilësia e gjykimit, por sasia e cështjeve.
Aktualisht, mendohet se afro 600 mijë njerëz janë në pritje të një përgjigje përfundimtare mbi statusin e tyre nga ana e gjykatave amerikane.
Apeli i Trump është konsideruar absurd nga disa shoqata që mbrojnë të drejtat e emigrantëve.
Ndërkohë, media të ndryshme kanë raportuar se numri i cështjeve që procedohen cdo vit është afro 700, duke vënë në pikëpyetje edhe informimin e Presidentit mbi këtë temë.
Kujtojmë që Presidenti Donald Trump mbetet një kundërshtues i ashpër i emigracionit të jashtëligjshëm, ndërsa ka nisur hapa konkrete për të ndërtuar një mur përgjatë gjithë kufirit jugor me Meksikën.