“I kërkoj kryeministrit Edi Rama që të përballem me të në çdo studio televizive”. Kështu deklaroi një banor i Kukësit, i cili pohon se ka qenë një nga protestuesit e dhunuar në protestën e së shtunës.
Në një prononcim për gazetarin e ‘News24’ Armir Mehaj, kuksiani kërkoi lirimin e 23 të arrestuarve, duke shtuar se ata ishin të pafajshëm. Po ashtu ai tha se ka fakte që policia përdori dhunë, ndërsa shtoi se vet është goditur nga një polici në kokë dhe këmbë. Mes të tjerash qytetari tha se policia duhet të niste hetimet për rastin e policit që e dhunoi.
“Kam shenja në kokë dhe në këmbë. Jam dhunuar. Kërkojmë një orë e më parë që të arrestuarit të lirohen. S’kanë bërë asnjë faj. I kërkoj kryeministrit që në çdo lloj studio të përballe me te. Me fakte dhe argumente. Këtu ka shkuar çështja katastrofike, Ai polici që ë ka goditur më, i kërkoj prokurorisë që të hetoje këtë rast”, pohoi ai.
