Renato Mekolli sa herë pyetet për jetën private është shumë i kujdesshëm dhe rrallë herë zbulon detaj.
Edhe në profilet e tij sociale, vështirë të gjesh ndonjë shenjë kush fshihet pas tij. Megjithatë dimë që shefi i njohur i kuzhinës është në një marrëdhënie prej kohësh dhe është i lumtur.
Mirëpo, i ftuar dje në emisionin në Kurthin e Piter Pan nuk u ka shpëtuar pyetjeve me spec të fëmijëve.
Megjithëse disa i kaloi me sportivitet, të tjerave, të papriturave, u ktheu një përgjigje si ‘prej shefi’.
I pyetur se cila ka qenë e dashura e parë dhe kur e ka puthur për herë të parë, Renato u shpreh: “O Zot i madh. Për herë të parë e kam puthur në shkollë, quhet Blerina Bakia…” – tha ai pa problem.
Sot, siç shtoi Renato, ajo është e martuar me amerikan dhe jeton në Amerikë, ndaj nuk është problem që ia përmend emrin, sepse “ai nuk merr vesh gjë”.
