23 të arrestuar dhe po kaq të preceduar penalisht. Ky është bilanci i protestave të dhunshme të zhvilluar tre ditë më parë në rrugën e Kombit.
Mirëpo, në një kohë që vendi po zien dhe pyetja që po shtrohet është a duhet vendosur taksa për rrugën e Kombit, komuniteti ndërkombëtar nuk ka pasur ndonjë reagim.
Ambasadori amerikan, Donald Lu, nuk i ka komentuar këto zhvillime. Mirëpo, ai duket se nuk ndodhet në Shqipëri, por ka udhëtuar jashtë me familjen e tij.
Gazetari Robert Goro ka publikuar një foto në rrjetin social me ambasadorin e SHBA-së, Donald Lu, pikërisht nga aeroporti i Athinës.
Ai shkruan se është një befasim i këndshëm, ndërsa shton se nuk ka as bodyguard, shërbim VIP, apo biletë business class. “Një befasim i këndshëm në aeroportin ndërkombëtar të Athinës. As edhe një bodyguard rreth tyre, as shërbim VIP apo biletë business class. Duke pritur me durim ne radhe, me shumicën e qytetareve që udhëtonin në economy class, edhe ambasadori i SHBA-ve në Tiranë, Donald Lu me familjen”, ka shkruar Goro.
