Nuk dihet çfarë mesazhi po jep kreu i qeverisë ku në dy rastet ku ka protesta, ai shkon dhe gjen shpëtim në Vlorë. Mesditën e së shtunës, ndërsa në rrugën Durrës-Kukës, pranë tunelit të Kalimashit digjeshin zyrat e kompanisë që vjel taksat e shqiptarëve, Rama bënte “plane” me porte e aeroporte në Vlorë.
Edhe ditën e sotme kryeministri ka udhëtuar urgjent drejt Vlorës ndërsa para Drejtorisë së Policisë së Tiranës qindra protestues kërkojnë lirimin e 23 të arrestuarve në Kukës.
I shoqëruar nga kryetari i Bashkisë së qytetit Dritan Leli, Rama vizitoi sot shkollën profesionale “Pavarësia”. Në të vërtetë është një ngjerje që nuk mbetet për tu shënuar, por më shumë se të vizitonte mjediset e shkollës profesionale, po tenton të gjejë shpëtim në Vlorë dhe larg Tiranës, sidomomos kur ka protesta.
