Protesta e së shtunës pranë tunelit të Kalimashit nga qytetarët e Kukësit, kanë zgjuar opozitën nga “gjumi letargjik”. Për shkak të situatës së krijuar nga revotla popullore në Kukës, që u shoqërua me dhunë dhe shkatërrim të zyrave të kompanisë konçensionare që vilte taksat e qytetarëve, partitë opozitare po mendojnë organizimin e protestave masive popullore në të gjithë vendin.
Burime nga PD bëjnë të ditur se pritet caktimi i një date për nisjen e protestave, ndërsa më parë është shprehur mbështetje e plotë për çdo protestë të qytetarëve kundër taksave, krimit, grabitjes që qeveria po iu bën atyre.
Protestat do të jenë kundër taksave, grabitjes së shqiptareve, kundër sundimit nga krimi, ndërsa qeverisja është cilësuar si një bandë që grabit, vjedh, plaçkit shqiptarët. Po kështu, opozita po shqyrton opsionet për thirrje ndaj qytetarëve për mosbindje civile, bllokim rrugësh, tthirje për të mospaguar taksat e rritura, taksën e pronës të Rrugës së Kombit, energjisë elektrike dhe ujit. Burimet theksojnë se zgjidhja mund të vijë vetëm përmes asaj politike, pasi nuk mund të ketë zgjidhje nga kërkesat ekonomike.
