Policia e Tiranës ka vijuar kontrollet gjatë fundjavës ndaj drejtuesve në orët e vona të mbrëmjes, lidhur me respektimin e rregullave të qarkullimit rrugor, si dhe konsumit të alkoolit në timon.
Gjatë aksionit të zhvilluar, janë tërhequr 12 leje drejtimi për ata drejtues që kanë rezultuar të dehur në testin e alkoolit, ndërsa një 44 vjeçar ka rënë në prangat e policisë.
F.V, 44 vjeç, u arrestua në flagrancë pasi drejtonte mjetin në gjendje të dehur në masën 0.74 mg/l.
Ndërkohë 12 leje drejtimi janë tërhequr për drejtim mjeti nën efektin e alkoolit në masë që varionte nga 0.24 mg/l deri 0.49 mg/l.
Po ashtu nga kontrollet e shpejtësisë janë ndaluar shtetasi F.B, i cili me mjetin e tij tip Audi po lëvizte me shpejtësi 145 km/h. Po për të njëjtën akuzë është ndaluar E.H, pasi me mjetin e tij BMW po lëvizte me shpejtësi 156 km/h.
Gjithashtu janë ndaluar 9 drejtues të tjerë me shpejtësi nga 139 deri ne 154 km/h.
