Një 40 vjeçar, është aksidentuar në punë duke prerë mermerin në ambientet e firmës ku punonte.
Për këtë arsye, ka nisur procedimi penal ndaj mjekut dhe administratores së firmës. Ngjarja është regjistruar në Korçë, ku sipas policisë, është aksidentuar duke prerë mermerin, Ll.L, 40 vjeç, banues në Korçë.
Ka nisur procedimi penal në gjendje të lirë ndaj:
K.M, 57 vjeç, banues në Korçë (me detyrë mjek pranë Spitalit Rajonal Korçë) dhe
Xh.G, 41 vjeçe, banuese në Korçë (administratore në një firmë mermeri).
Sipas policisë, mjeku pasi i ka dhënë ndihmën mjekësore të dëmtuarit në Spitalin e Korçës, nuk ka kryer raportimin përkatës të rastit pranë organeve të Policisë. Ndërsa administratorja e firmës, dyshohet se ka shkelur rregullat e mbrojtjes në punë.
Materialet i kaluan Prokurorisë të Rrethit Gjyqësor Korçë.
