Një citim i bërë në një artikull në gazetën e përditshme të Italisë, La Repubblica, se Papa Françesku i ka thënë një gazetari të njohur italian, se “nuk ka ferr”, ka ngjallur polemika të shumta. Por, Vatikani ka thënë se “asnjë citat” në artikull “nuk duhet të konsiderohet si transkriptim i besueshëm”, i fjalëve të Papës.
Sipas Vatikanit, artikulli është bazuar në një takim privat që Papa ka pasur me themeluesin e gazetës, Eugenio Scalfari. Doktrina e Kishës Katolike e afirmon ekzistencën e ferrit dhe përjetësinë e tij.
Sipas kësaj doktrine, shpirtrat e mëkatarëve zbresin në ferr, ku vuajnë “zjarr të përjetshëm”.
