Zv/ministrja e Brendshme, Rovena Voda ka deklaruar se nuk ka informacion në lidhje me ato që ambasadori Lu deklaroi se pushtetarë të votuar kanë trafikuar vajza për skllavëri
Voda theksoi se në qendër të operacionit Forca e Ligjit janë pikërisht edhe grupet kriminale të trafikut të qenieve njerëzore.
Por nga përgjigjet që jepte Lu dukej sikur ai kishte fakte dhe fliste për drejtues konkret të shtetit kur thoshte se “ju neveris”.
Nga ana tjetër Rovena thekson “Unë nuk kam të dhëna konkrete për këtë gjë dhe nuk më lejohet edhe për shkak të pozicionit që kam. Ne jemi 4 zv/ministra, unë mbuloj migracionin, azilin, shtetësinë edhe koordinator kombëtar për trafikimin e qenieve njerëzore. Trafikimi i qënieve njerëzore është një nga veprat penale më të rënda dhe ndoshta e kuptoj ambasadorin amerikan kur thotë që ndjej neveri. Jo më kot ministria e Brendshme pak kohë më parë ka miratuar operacionin Forca e Ligjit, ku në fokus janë një sërë veprash penale dhe grupe kriminale të caktaura që merren me to, pse jo edhe grupet kriminale që merren me trafikimin e qënieve njerëzore.”
Ajo paralajmëroi se do të ketë edhe arrestime sa i përket këtyre grupeve kriminale që trafikojnë njerëz.
