Nuk janë të pakta rastet kur kryeministri Edi Rama replikon me ndjekësit e tij në ‘Facebook’. E ndaj edhe në këtë rast, objekt debati mes tij dhe qytetarëve është bërë çështja e papunësisë.
Mes komenteve spikat ai i një qytetareje, e cila ironizon me shifrat e punësimit, ndërsa pohon se ajo ishte një nga personat që ishte hequr nga puna.
“Te punësosh 24 mijë duke hequr 240 mijë (nder keta edhe une), kjo nuk eshte e drejte, dhe ky nuk quhet punesim.”,-shkruan komentuesja.
Por flakë për flakë është përgjigjur edhe kreu i qeverisë, i cili mes humorit ka kujtuar një lapsus të kryetarit të PD-së Lulzim Basha për një llogaritje që bëri gabim.
“Ku jane keta 240 mije qe jane hequr zonje, sepse nuk e kam degjuar kurre kete llogari, madje as nga goja e atyre qe thone 7X7 bejne 42🙃 Ne shtet hiqen nga puna ata qe s’bejne punen, ndersa punesimin e ben privati ne kete sistem qe kemi zgjedhur, shteti nuk eshte per te punesuar ne administrate po per te garantuar qe punen ne administrate ta bejne ata qe dine ta bejne me mire! Gjithe te mirat dhe mos kerko pune shteti nga une, po shko kerkoje punen ne sektorin privat e mos e prit ne shtepi apo ne fejsbuk”,- shkruan Rama.
