Presidenti Donald Trump, duket se është i vendosur për të ashpërsuar masat për të gjithë ata që duan të shkojnë e jetojnë në SHBA.
Sipas asaj që raportojnë mediat e huaja, Departamenti Amerikan i Shtetit ka propozuar një sërë masash shtrënguese për këdo që kërkon të shkojë në SHBA.
Që nga historiku i postimeve në rrjetet sociale, dhe deri tek emrat që ka përdorur çdokush në internet.
Konkretisht, aplikuesit për viza do të duhet të listojnë në aplikacion të gjitha identitetet që kanë përdorur në mediat sociale në pesë vitet e fundit.
Nëse miratohen, aplikuesve do t’iu kërkohet të tregojnë edhe numrat e telefonit që kanë përdorur në pesë vjetët e fundit, adresat e emaileve dhe udhëtimet ndërkombëtare.
Propozimet i mbështesin zotimet e Trumpit për të goditur migrimin e paligjshëm, për shkaqe të sigurisë.
