Lëvizje të reja në Ministrinë e Brendshme pas skandalit të denoncuar nga opozita se në krye të SHÇBA-së ishte komanduar ish-gjyqtari i shkarkuar nga KLD Agim Hysi. Në krye të këtij institucioni është emeruar sot Anila Trimi.
Ajo ka mbajtur postin e Sekretarit të Përgjithshëm në Ministrinë e Brendshme. Me emërimin e sotëm Trimi zëvendëson në këtë detyrë Eduard Merkajn, i cili ka kaluar në detyrën e Drejtorit të Departamentit të Policisë Kriminale, në Policinë e Shtetit.
Ndërkohë në postin e Sekretarit të Përgjithshëm të Ministrisë së Brendshme është emëruar Dritan Palnikaj, i cili ishte pjesë e kabinetit të Kryeministrit, e më herët ka qenë Këshilltar i Ministrit të Brendshëm.
