Eshtë arrestuar me qëllim ekstradimin një 50 vjeçar në Elbasan pasi është denuar nga gjykatat italine për shfrytezim prostitusioni. Sipas policisë, shtetasi Gjon Glina, (alias Gjon Maska) 50 vjeç banues në Elbasan u ndalua në rrugë, në Lagjen “Haxhias” Elbasan.
“Specialistët e Sektorit për Hetimin e Narkotikëve dhe Trafiqeve të Paligjshme në Drejtorinë Vendore të Policisë Elbasan, në bashkëpunim me Zyrën Qëndrore Kombëtare Interpol Tirana, pas një pune të mirëorganizuar kanë bërë kapjen dhe arrestimin e tij”-thuhet në njoftimin e policisë.
Më datë 27.03.2018 është shpallur në kërkim ndërkombëtar, nga Interpol Roma, Itali, pasi: Gjykata e Apelit e Romës, Itali me vendim të datës 17.07.2009, e ka dënuar me 6 vjet e 6 muaj burg për veprën penale “Shfrytëzim Prostitucioni” parashikuar nga neni 3 nr.4 i Kodit Penal Italian dhe neni 6, 8 Y 4 i Ligjit 75/1958.
